Солонгосын антифэнгүй алдартнууд

Солонгосын урлагийн ертөнцөд царайлаг жүжигчид, авъяаслаг дуучид маш олон бий. Харин энэ удаа олон талаараа олны хүндлэлийг хүлээсэн дараах жүжигчин, дуучдыг онцолж байна. Доор дурдсан алдартангууд өөрийн хувийн зан чанар, авъяас чадвар, ухаан зэрэг олон талуудаараа бусдаас ялгарсан тул Солонгос хүмүүсийн олонхийн хайрыг татаж даган дууриах шүтээнүүд болжээ. Гэхдээ дуучдаас илүү жүжигчид нь илүү нэр хүндийг хүлээж энэ жагсаалтанд багтсан байна.

Пак Бу Ён- Солонгосын авъяаслаг залуу жүжигчин бүсгүй бөгөөд ард түмний охин дүү нарын нэг юм. Өдгөө 25 настай тэрээр ахлах сургуульд байхаасаа кинонд тоглож эхэлсэн бөгөөд түүхэн, инээдмийн, айшгийн, уянгын гээд олон төрөл жанрын кинонд өөрийн дүрээ онц дүнтэй бүтээж байсан нь олны сэтгэлд таашаагдаж байсан бөгөөд “Оны шилдэг шинэ жүжигчин” шагналыг нилээд хэдэн кино наадмуудаас авсан байна. Мөн хоёр ч киноны дуугаа өрөө дуулжээ. Пак БуЁн реалити шоу, шууд нэвтрүүлгүүдэд оролцохдоо бусад оролцогчидод халамжтай сайн дүүгийн хувиар ханддаг тул түүнийг үзэгчид ард түмний дүү охин гэж нэрлэсэн. "Халуун залуу нас" киноны танхай охины дүрээр нь мэдэх юм байна.

Сон Хэ Кё- “Зүрхэнд шингэсэн намар”, “Бүгдийг нь”, “Миний байшин”, “Салхи салхилсаар” зэрэг телевизийн олон ангит кинонуудаараа Азийн үзэгчидэд танигдсан гэрэлтсэн инээмсэглэлт жүжигчин бүсгүйн тоглосон кино бүр нь амжилттай явдаг онцлогтой. Төрөлхийн гоо үзэсгэлэнтэй түүний царайг хэн бүхэн харах дуртай учраас маш олон гоо сайхны брэндүүдийн нүүр царай болон хамтран ажилладаг.  Тэрээр үндэсний гоо үзэсгэлэнгүүдийн нэгээр нэрлэгдэж байгаагүй ч сэтгэл татам хөөрхөн жүжигчинд дургүйцэх хүн бараг байдаггүй ажээ.

Ким Тэ Хи- Улсанаас гаралтай ТэХи бол Солонгосын үндэсний гоо үзэсгэлэнгийн бэлэг тэмдэг бөгөөд олон охид түүн шиг болохын тулд мэс засал хийлгэж байгаагаа илэрхийлдэг байна. Бас олон алдартай эрэгтэй одод ТэХиг өөрсдийн идеал эмэгтэйгээр нэрлэж байсан юм. “Диваажингийн шат”, “Харвардад учирсан хоёр”, “Солонгон бүрхэвч”, “Хайраар амьдарсан Жан Угжон” зэрэг олон ангит кинонуудаараа үзэгчдийн талархал хүлээсэн жүжигчин бөгөөд маш олон брэндүүдтэй хамтран ажилладаг. Мөн тэрээр Солонгосын хамгийн нэр хүндтэй Сөүлийн их сургуулийг онц дүнтэй төгссөн нь ард түмний үлгэр жишээ охин болгожээ.

И На Ён- Солонгосын шилдэг эмэгтэй жүжигчин шагналыг бусдаасаа харьцангуй эрт авч байсан чадварлаг жүжигчин бөгөөд өөрийн даруу хичээнгүй байдал, эелдэг төрхөөрөө нийтэд хайрлагдсан жүжигчин. НаЁн маш олон телевизийн рекламанд тоглодог учраас түүнийг рекламны хатан гэж нэрлэдэг байна. Тэр телевизийн олон ангит киноноос дэлгэцийн бүтээлийг илүүд үздэг бөгөөд хэрцгий эмэгтэй, алуурчин бүсгүйн дүрд тоглодог ч амьдрал дээрээ энгийн, төлөв даруу олны хүндэтгэлийг хүлээсэн эмэгтэй учир энэ жагсаалтанд багтжээ.

Ю Сен Ху- Долоон настайгаасаа эхлэн телевизийн болон дэлгэцийн кинонд дүр бүтээсээр үзэгчдийн өмнө өсөж том болсон түүнийг ард түмний эрэгтэй дүү гэж нэрлэдэг. Сен Ху өөрийн хорин насанд баймгүй олон кинонд тоглож нилээд хэдэн гол дүрүүдийг чадварлагаар бүтээсэн нь авъяасыг нь илтгэх бөгөөд кино урлагийн дараагийн том од гэж мэргэжилтнүүд түүнийг нэрлэдэг байна. Тэр бол өсвөр насны охидын шүтээн төдийгүй бяцхан хүүхдүүд, насанд хүрэгсэд, тэтгэврийн хөгшид гээд дуусашгүй дэмжлэгтэй.  Тэр сайхан инээмсэглэлтэй, хичээнгүй, нөхөрсөг зантай учраас олон од  жүжигчид СенХуг дүү шигээ үздэгээ илэрхийлж байсан юм. Мөн бусад одуудаас харьцангүй эрт буюу өнгөрсөн жил 21тэйдээ цэрэгт явсан нь нэр хүндийг нь улам баталгаажуулжээ.

Сон Жүн Ги- Тэр бол олон талын авъяастай, СэнГитэй адил үлгэр жишээ хүмүүсийн нэг билээ. ЖүнГи Солонгосын хамгийн эртний уламжлалтай Сүнгюнвоны их сургуулийг бизнесийн удирдлагын чиглэлээр төгссөн жилээ гэрийнхэн нь дургүйцсэн ч жүжигчин болох замыг сонгожээ. Онц сурлагатай оюутан байсан тэрээр кино урлагт ч тун амжилттай хөл тавьж сайн, муу, хүүхэмсэг, танхай гээд олон дүрүүдийг чадварлагаар бүтээж олны хүндэтгэлийг хүртсэн юм. Тэр бас бүжиглэж, дуулж, нэвтрүүлэг хөтлөж чадахаа ч батлан харуулсаар байгаа билээ. Жүнги өхөөрдөм хөөрхөн царай шигээ цайлган сайхан сэтгэлтэй болохоор бүгд л түүнийг хайрладаг ажээ.

Кан Дон Уон-  Солонгосчуудын шүтээн жүжигчдийн нэг Кан Дон Вон 2000 оноос буюу их сургуулийн нэгдүгээр курсээсээ эхлэн загвар өмсөх болсон бөгөөд энэ үедээ Парисын загварын шоунд оролцож, хэд хэдэн клипэнд тоглосноор урлагт хөл тавьжээ. Тэр карьерийнхээ эхэн үед ганцхан телевизийн кинонд тоглосноос өөрөөр дахиж телевизийн кинонд тоглоогүй бөгөөд дэлгэцийн олон бүтээлүүдэд дүр бүтээснээрээ Азид ялангуяа Японд их алдартай юм. Түүний царайг Япончууд төгс царай гэж үздэг. “Нууц нийгэмлэг” киноны дүрээрээ шилдэг жүжигчний шагнал авч байсан.  Хамтран тоглосон жүжигчин, найруулагч болгон түүний авъяас чадвар, зан төлөвийг нь үнэлдэг ажээ. Кан Дон Воны IQ 137 бөгөөд ХанЯн инженерийн их сургуулийн тэргүүний оюутнуудын нэг байсан гэдэг.

Уон Бин - “Бурхан”, компьютер графикийн бүтээл гэгдэх Вон Бин ахлах сургуульд байхдаа жүжигчний гэрээ байгуулж хэд хэдэн телевизийн бүтээлд тоглон олонд танигдсан юм. Түүний тоглосон кино нь бусад жүжигчдийх шиг олон биш ч тэрээр өөрийн гайхалтай жүжиглэлтээрээ Солонгос гэлтгүй Азийн орнуудын хүмүүсийг өөртөө татаж чадсан жүжигчин юм. Вон Биний тоглосон дэлгэцийн бүх кино маш амжилттай байж маш их орлого олдог бөгөөд “Танихгүй ах” киноны дүрээрээ шилдэг жүжигчний шагналыг авч байсан. Түүнийг зөвхөн харагдах байдлаар нь бурхан гэж хочлоогүй бөгөөд сайн жүжиглэдэг, сайхан сэтгэлтэй, ухаалаг учир ингэж нэрлэсэн ажээ. Тэр зураг авалт болон сурталчилгаагүй үедээ НҮБ-д хандив өгж, сайн үйлсийн аянд өөрийн биеээр явж ахмад настан, хүүхдүүдэд тусалдаг. Түүнийг Солонгосууд зөвхөн Кан Дон Вон болон Ю Жэ Сүк-тай л харьцуулахыг хүлээн зөвшөөрдөг. Учир нь бусадтай зүйрлэгдэх хүн биш гэж үздэг ажээ.

Ю Жэ Сүк - Үндэсний хөтлөгч гэгдэх Ю Жэ Сүк Солонгосын KBS телевизийн “Гүйж байгаа хүн” , “Хамтдаа жаргалтай”, “Хэцүү даалгавар” зэрэг хамгийн их үзэгчтэй шоу нэвтрүүлгүүдийг хөтлөн явуулдаг юм. Анх 1991 онд инээдмийн жүжигчин байсан ЖэСүк телевизэд цэнгээнт нэвтрүүлгийн албанд орсноос хорь гаруй жил олон олон хөгжилтэй нэвтрүүлгүүдийг хөтлөн Солонгос хэн бүхэнд дотно танил шиг нь санагдах болжээ. Мөн хэд хэдэн инээдмийн кинонд дүр бүтээсэн байна. Тэр нэвтрүүлгээ маш хөгжилтэй байлгадаг бөгөөд ингэхдээ хэзээ ч хэн нэгнийг ичээх, эвгүй байдалд оруулах үйлдэл гаргаж байгаагүй бөгөөд даруу төлөв, шударга, сайхан сэтгэлтэйгээ харуулдаг ажээ. Түүний нэвтрүүлэгийн оролцогчид хожим маш сайхан энергитэй, халамжтай, тусч хүн гэж магтацгаадаг. ЖэСүк телевизийн салбарт 20 жил ажиллахдаа телевизийн шилдэг хөтлөгчийн шагналыг ердөө хоёрхон л удаа хүртсэн бөгөөд бусад үед нь өөрөө шагналаас татгалзаж байжээ.

И СэнГи- Тэр Солонгосын бусад “цэцэг шиг залуус”-с олон талаар давуу талтай бөгөөд дуулах, жүжиглэх, нэвтрүүлэг хөтлөх гээд олон талбарт бүгдэнд амжилттай яваа уран бүтээлч юм. Түүнийг хөгшин, залуугүй хайрлан “Үндэсний дүү”, “Баллад ханхүү”, “Цэнгээнт нэвтрүүлгийн хаан”, “Ээжийн найзын гэрэлтсэн хүү” гэх зэргээр нэрлэцгээдэг байна. Тэрээр телевизийн салбарт дээд шагналыг авсан хамгийн залуу хөтлөгч бөгөөд, гавал оюутан, одуудын дотроос мастер төгссөн цөөхөн хүмүүсийн нэг. Мянга, мянган ээжүүд түүн шиг хүүтэй байхыг хүсч, сая сая охид түүн шиг найз залуутай болохыг хүсдэг. Тэр таван цомог гаргасан нь Солонгостоо нилээд амжилтанд хүрсэн бөгөөд, хэд хэдэн телевизийн кинонд гол дүр бүтээж, SBS, MBC телевизүүдийн алдартай нэвтрүүлгийг хөтөлсөн юм. СэнГи хэн бүхэнтэй эелдэг харьцдаг, олон талын авъяастай, халамжтай, сайхан сэтгэлтэй тул хэн ч түүнд дургүй байж чаддаггүй ажээ.